Klausabend 2011

Der traditionelle Klausabend fand dieses Jahr wiederum im Rest. Brückli in Schattdorf statt. Rund 50 Aktive, Schüler, HelferInnen sowie Funktionäre folgten der Einladung.
Nach einem feinen Imbiss (Fleischplättli) besuchte uns der altbekannte Samichlaus, begleitet von seinem Schmutzli. Alle hörten gespannt den verschiedenen Anekdoten und Missgeschicken der einzelnen Betroffenen zu. Sicherlich hätte es noch einige andere spannende Geschichten gegeben, doch leider musste uns der Samichlaus dann auch schon wieder verlassen. Er liess aber einen grossen Korb gefüllt mit Samichlausseckli zurück. Zum Abschluss wurden noch die Gewinner des Schätzspiels ausgerufen.

Folgende drei Personen haben das Gewicht der 60 Samichlausseckli am genausten geschätzt.
1. Nicolas Christen
2. Connie Gamma
3. Erich Gisler

Anschliessend gaben Mario Arnold und David Annen (Echo vom „Trizeps“) noch einige urchige Ländler zum Besten. Somit bleibt nur zu hoffen, dass die Vereinsmitglieder auch nächstes Jahr nicht allzu brav sind, damit der Samichlaus wieder etwas zu erzählen hat!!!

[galleria]

Samichlaus-Sprüche

Adi Schuler:

Ubärä Adi git äs firä Samichlais jedes Jahr epis z brichtä
Das Jahr brilliärt är sogar mit zweenä Gschichtä.

Wiä iär sicher wisset, isch dr Adi hiir ds Amerika gsi,
dr gsundi Mänschäverstand het är aber glaibi nit drbii.

Är tüät am falschä Ort parkiärä,
Und d Parkbüäss eifach ignoriärä.

,,Vo däm wo da staht, verstah ich sowiso keis Wort,
Isch doch ai glich, i 2 Wuchä binich ja wider fort.’’

3 Monet speter chunt de bi Goscht,
Vo Amerika änä dicki Poscht.

Ä Grichtstermin samt Kaution,
isch ds Ergäbnis vo derä Aktion.

Langsam wird’s am Adi glich nu gschmüch,
,,Hei, diä Amis wärdet ja richtig rüüch!’’

Diä ganz Aktion heig ihnä de scho nu plagt,
drum zahlt är gschnäu und wird de nit verchlagt.

So, ich bittä um Ruä vo däm Glächter,
Diä zweit Story isch nämli nit schlächter.

Am Adi sini Fründin het ihm befohlä,
är säu si am Flughafä cho abholä.

Zitig fahrt är richtig Ziri,
suscht chäm är z schpat, är heigs im Gschpiri.

Abgmacht hends bim Haiptigang,
Doch är wartet grüsig lang.

Wonär ä so unitz tüät umästah,
litet ihm pletzlich ds Joli a.

,,Wo bisch dü nu, ich wär de da,
ich ha kei Luscht verussä z stah.’’

,,Ich bi ja ai da, ich frirä miär a Grind,
I däm lapi Ziri gaht ätz ai nu ä ekligä Wind.’’

,,Ja super Adi dü bledä Schnasel,
ich bi nit ds Ziri, ich bi ds Basel.’’

Pius Zberg:

Dr Pisi tüät bim Schaffä ä scheiss Job fassä,
das täg ihm de natirlich gar nit passä.

,,Scho wider sonä Wasserschadä,
ätz wirdi de langsam zimli gradä.’’

Mitem Wassersüger sigsch ids Fiirwehrlokal uf Birglä,
und heigsch probiärt, ds Wasser usem Schlüch üsä z nirglä.

Gschnäu täg äs dich de aber aschissä,
Und ai dr Hunger däg dich grüsig biissä.

,,So, där Süüger lanich ätz scheen la laifä,
Ich gah underdessä epis Znini ga chaifa.’’

So tüät är gmiätlich äs Käfäli trinkä,
aber wonär zrugchunt, däg äs grüüsig stinkä.

Dr Süüger sig gsi plat äbä vouä,
Ds Wasser scho obä üsä quouä.

Är hät sich vermüätli gärä glährt wenn är chennt,
Aber wiu är das nit cha, het nä äs verbrennt.

So heigsch dü de das am Chef biichtet,
Däm sini Aigä heiget de nit grad gliichtet.

Andi Murer:

Dr Andi isch ganz ä starchä Maa,
Ai im schwingä laht är nit mängä la stah.

Was dini Mannschaftskollegä aber findet nu viu meh verreckt,
isch, dass dü heigsch dr Üsgang entdeckt.

Letschtjahr ufem Haldi dägisch zimli uberbordä,
na sig dr äs de aber grüsig schlächt wordä.

Pletzlich bisch trolet zwischä Tisch und Bank,
Und heigisch üsgseh zimli chrank.

Usinnig däg di äs pletzlich pläiä,
Heigsch diä ganz Nacht griäft a dä Chreiä.

Ai am negschtä Tag isch dr äs nu nit wohl,
hesch gseit, dü trinkisch niämeh Alkohol.

Inzwischä hesch dü diä Wort aber wider vergässä,
sigisch nämli scho einisch zweimau wider amnä Biärli gsässä.